Sulisilluni ajoqusernerit
Sammisaq toqqaruk Sulisilluni ajoqusernerit

Suliat sunngiffimmi ajoqusernikkut taarsiiffigitinnermut tunngasut

Suliaq namminerisamik taarsiiffigitinnissamut tunngasoq tassaavoq inuttut ajoqusernerup kingunerisaata peqqissutsimut sunniutai pillugit Sulisilluni Ajoqusernerit pillugit Sullissiviup oqaaseqaasioqquneqarsimanera. 

Kikkulluunniit Sullissiviup najoqqutassamik oqaaseqaasiortinnissaanut noqqaassuteqarsinnaapput.

Oqaaseqaat sunik imaqarpa?

Oqaaseqaaterput nalilersukkanik ataani taaneqartunik pingasunik imaqarsinnaavoq:

  • Ajoqutigiualikkap annertussusaa: ajoqusernerup toqqaannartumik peqqissutsimut sunniutai 
  • Inuussutissarsiorsinnaassutsimik annaasaqarneq: ajoqusernerup kingunerisaanik isertitanik ataavartumik annaasaqarneq 
  • Allanngutsaaliffik: peqqissutsimut akornutaasut malunnaatilimmik ataavartumillu pitsannguuteqarunnaarnerat (ajoqusernernut 1. juli 2002 sioqqullugu pisunut taamaallaat atuuttoq)

Oqaaseqaasiorneq ima akeqarpoq

Oqaaseqaasiortitsinermut akigititaasut nalunaarsuutaanni takuneqarsinnaapput.

Kikkut oqaaseqaammik piumasaqarsinnaappat?

Kikkulluunniit sunngiffimmi ajoqusernermut atatillugu Sulisilluni Ajoqusernerit pillugit Sullissivik oqaaseqaasioqqullugu noqqaaffigisinnaavaat. 

Sillimmasiisarfiit inatsisilerituulluunniit ajoqusernerup peqqissutsimut inuussutissarsiorsinnaassutsimullu sunniutai pillugit sillimasersimasup naliliiviginissaa ajornakusoortikkaangamikku oqaaseqaasiortitsigajuttarput.

Sillimasiisarfik sillimasigarlu isumaqatigiinngippata, ajoqusernerup kingunerisa sunniutaanik (ajoqutigiualikkap annertussusianik) naliliiniarnermi oqaasseqaatit najoqqutassatut ilaatigut atorneqartarput.

Oqaaseqaatit najoqqutassiaapput

Suliani namminerisamik taarsiiffigineqarnissamut tunngasuni Sulisilluni Ajoqusernerit pillugit Sullissiviup oqaaseqaatai najoqqutassiaapput.

Illuatungeriit Sullissiviup oqaaseqaataanut isumaqataanngippata suliaq eqqartuussivitsigut aalajangiivigisassanngortinneqarsinnaavoq.

Sillimmasiisarfiit ilaasa suliaq pillugu isumaqatigiinniarnermi oqaaseqaasiagut atortarpaat. Taamaattoqarpat taamaasiorsinnaaneq sillimasernissami piumasaqaatinut ilaatinneqarsimassaaq.

Sulisilluni Ajoqusernerit Sullissivik Kalaallit Nunaanni sulisilluni ajoqusersinnaanermut isumannaarinermi inatsimmi § 74 kiisalu taarsiisussaatitaasutut akisussaatinneqarnermut inatsimmi § 10 naapertorlugu najoqqutassianik oqaaseqaateqarsinnaaneq pisinnatitaaffigaa. 

Oqaaseqaateqarnissamik qinnuteqarit

Virk.dk –mi namminerisamik taarsiiffigitinnissamut tunngasoq pillugu oqaaseqaammik qinnuteqarsinnaavutit.