Suliamik suliareqqiineq
Suliap sumut tunngasortaa suliareqqiinissamut tunngavigineqartoq apeqqutaatillugu, suliamik suliareqqiinissami assigiinngitsunik maleruagassaqarpoq.
Immikkoortut pingaarnerit pingasut tassaapput:
- Suliap siuliani itigartitsissutigineqartup suliareqqinneqarnera (akuerineqarnissaanut tunngasoq)
- Taarsiivigineqarnissamut apeqqutip suliareqqinneqarnera
- Kukkusumik amigartumilluunniit aalajangiisimaneq tunngavigalugu suliamik suliareqqiineq (ingerlatsinerup inatsisinut attuumassutaanut tunngatillugu suliamik nangitsineq)
Ima iliornikkut suliamik suliassanngortitseqqissinnaavutit
Nittartakkakkut immersugassaq, allakkatigut, oqarasuaatikkut, e-mailikkut imaluunniit attaveqarnikkut suliaq ilinnut tunngasoq suliakkiissutigeqqissinnaavat. Suliap suliakkiissutigeqqinneqarnissaanut innersuutigaarput nittartakkakkut immersugassaq suliassanngortitseqqiiniarneq pillugu atussagit.
Nittartakkakkut immersugassaq atorukku sukkanerusumik suliareqqiineq aallartissinnaavarput, tassa immersugassap iluani paasissutissat atorfissaqartitagut ilaareertartussaammata.
Suliamik suliareqqitassanngortitsiniarninni paasissutissat nutaat imaluunniit aalajangiinermi kukkunerit amigaatilluunniit suunerinik nassuiaanissat pingaaruteqarpoq. Paasissutissat nutaat tassaasinnaapput nakorsaanermit immikkut ilisimasalimmit misissortinnikkut ajoqutivit ajorseriaateqarsimanerata paasineqarnera.
Paasissutissanik nutaanik takkuttoqarsimaneranik ilisimatinngikkutigut, suliami suliakkeeqqinniniarnerit itigartitsissutigissavarput.
Maalaaruteqarsinnaaneq
Suliaq suliareqqikkutsigu nutaamik aalajangiissaagut. Aalajangiinerlu taanna maalaarutigisinnaavat.
Suliamik suliareqqitassanngortitsiniarnerit itigartitsissutigigutsigu itigartitaanerit maalaarutigisinnaavat.
Ilaanni nammineerluta suliaq suliareqqitassanngortissinnaasarparput. Taamaattoqartillugu suliareqqiineq maalaarutigisinnaanngilat suliareqqiinermili aalajangiineq maalaarutigisinnaavat.