Kalaallit Nunaanni sulisilluni ajoqusernermi inatsit naapertorlugu taarsiissutit

Ajoqusernerit sulisilluni ajoqusernertut akuerineqarpat, sulisilluni ajoqusernermi inatsit naapertorlugu qanoq annertutigisumik taarsiiffigitissinnaanerit ersarissumik oqaatigisinnaanngilarput.

Ajoqusernerilli sulisilluni ajoqusernertut akuerineqarpat, inatsit naapertorlugu pisinnaasannik aalajangersaasarnitsinnik nassuiaassinnaavatsigit. Nassuiaanerput tunngavigalugu suut taarsiiffigineqarsinnaanerat taarsiissutillu annertussusaat paasisaqarfigisinnaavatit.

Taarsiiffigineqarsinnaapput:

• Ataavartumik ajoquteqalernerit. Sulisillutit ajoqusernikkut ataavartumik ajoquteqalersimaguit ajunngitsorsianik pisinnaavutit.
• Inuussutissarsiorsinnaanermik annaasaqarnermi taarsiissutit. Sulisilluni ajoqusernerup inuussutissarsiornikkut aningaasatigut isertitarisinnaasatit annikillisissimappagit, inuussutissarsiorsinnaanermik annaasaqarnermut taarsiivigineqarsinnaavutit.
• Nakorsarneqarnermut, nakorsaatinut, iluaqusersuutinut assigisaannullu aningaasartuutit
• Sulisilluni ajoqusernerup kinguneranik napparsimanermi sulisinnaannginnermi ullormusiat